MVO肥叔:史篤城受讓信心之選

今日英超、德甲開鑼，博彩界又回復百花齊放、百家爭鳴盛況。雖然預計會被奧運搶去唔少風頭，但球迷餓波咁耐，一定唔會錯過精彩賽事，大中華業界對投注額依然充滿信心。
英超係內地最受歡迎賽事，英超開鑼亦象徵歐洲主流聯賽揭開戰幔，雖然唔少莊家都有為奧運賽事開盤，但受注目程度唔高，球迷都係以欣賞角度去睇波，投注額根本唔可以同英超相提並論。

西布朗侯城唔怕捧

曼聯、車路士兩大奪標熱門周日至登場，今日同大家講三支升班馬，因為佢好多時都會被投注者忽視，尤其係上季三支升班馬都表現麻麻，有兩支更要做「升降機」，不過今晚三支升班馬西布朗、史篤城同侯城，肥叔認為佢都有贏盤機會。
三隊之中，肥叔最有信心係史篤城，因為保頓本身亦唔係乜好貨色，上季都要最後關頭先護級成功，今季人腳冇乜增強，預計都要護級收場。史篤城係三支升班馬中，最注重防守一隊，踢法以簡單直接為主，同保頓好似，保頓今晚即使有主場之利，亦未必可到優勢，讓波梗係揀下盤。
至於上季英冠盟主西布朗，首仗作客阿仙奴牌面係輸晒，但阿仙奴陣容不整，西布朗一心死守未必大敗，受讓球半、兩球，不妨捧下盤同大盤，呢個買法相當穩陣，無論開乜賽果都唔會輸晒，如果開個阿仙奴贏二比一波膽甚至可雙殺。
另一仗侯城主場對富咸，侯城平手盤亦捧得過。侯城雖被視為降班膽，但英冠前列球隊同英超「班尾」球隊相距唔遠，何況富咸作客長期積弱，侯城話晒有主場之利，平手盤抵玩。