|
|
|
| ||
| 设为主页 收藏本站 |
| 首页资讯 | 比分大全 | 竞猜指数 | 足球资讯 | 篮球资讯 | 体育·综合 | 美女·休闲 | 广告联系 | |
呢幾日好多老友都問我，點解唔返香港或者去北京主持奧運節目，為就係全心全意準備英超新季強勢開鑼，否則顧此失彼，兩頭唔到岸就唔好喇！
由於阿仙奴要踢歐聯外圍賽，所以季前備戰非常認真，周中中立場擊敗川迪兵不血刃，年輕球員心理質素極佳，連雲格都好滿意場波過程同結果。雲格仲話呢場激烈身體對抗比賽中，阿仙奴成熟成為贏波關鍵。雖然法比加斯冇上場，但係後防有加拿斯撐住，前鋒艾迪巴約踢出身價，小將卡路士韋拿同艾朗藍斯亦成功上位，雲格手上兵源充裕。睇個勢兵工廠班生牯仔會好似上季咁，一開季就勒都勒唔住，全力向前衝！上季英冠盟主西布朗同英超豪強水平有距離，三線結構鬆散，開季第一場就作客，都係支持番佢對家數。
新特蘭主場唔曳紅軍牙煙
呢季胸懷大志紅軍，增兵質量兼備，可惜歐聯外圍賽作客標準列治差輸埋，雖然好彩最終摸和，但係唔多唔少都會影響士氣。新特蘭上季主場成績排第九，表現有保證，紅軍條防線畀群「黑貓」亂衝亂撞，唔知會唔會搞到倒瀉籮蟹呢？