|
|
|
| ||
| 设为主页 收藏本站 |
| 首页资讯 | 比分大全 | 竞猜指数 | 足球资讯 | 篮球资讯 | 体育·综合 | 美女·休闲 | 广告联系 | |
阿仙奴必響頭炮
期待已久的新一季英超聯賽終於開火，阿仙奴先在早場亮相，對手只係重返英超的西布朗，兩隊實力比較，阿仙奴至少高一皮，如無意外應可打響今季第一炮，初盤開出讓球半/兩球，都要捧硬兵工廠。
季前阿仙奴踢咗多場熱身賽，對手包括皇馬、袓雲達斯、史特加、西維爾及阿積士等歐洲名牌球會，一班小將亦表現出色，令領隊雲格相當滿意，希比及法米尼等人離隊未見影響，新加入的拿斯尼技術有一定造藝，由奧沙辛拿收回的墨西哥小子卡路士韋拿，在熱身賽射入五球，演出簡直搶爆鏡，呢位二十歲唔夠的小伙子，可能係雲格今季的秘密武器。阿仙奴一向在季初都表現出驚人威力，只要踢出雄心，真係拉都拉唔住，整定搵西布朗“祭旗”。
上季英冠冠軍西布朗又再重返英超，但人腳方面並無明顯增強，更加有升班功臣的首席射手菲臘斯離隊，呢位前英格蘭國腳亦係上季陣中最有名氣球員，西布朗今季球員名單中，真係唔知乜水打乜水，可以用“二打六”來形容，實力已技不如人，今仗仲要作客，睇怕已經判輸嚟打。
推介：阿仙奴 3：0