|
|
|
| ||
| 设为主页 收藏本站 |
| 首页资讯 | 比分大全 | 竞猜指数 | 足球资讯 | 篮球资讯 | 体育·综合 | 美女·休闲 | 广告联系 | |
咪以為今季德乙冇賀芬咸就冇好睇，事關仲有隊紐倫堡撐場！呢支「紅軍」今季雖降落德乙，但反獲全球最大能源公司之一AREVA贊助，難怪「斯洛伐克孖寶」等國腳級人馬全部留隊，誓要極速帶領球隊重返德甲！
○七年德國盃冠軍紐倫堡，上年因分心歐協盃，加上受傷患困擾，最後以三分飲恨跌落乙組，本以為會面臨星散，但正所謂塞翁失馬，焉知非福，呢支有超過一百年歷史球會反獲全球最大核能公司之一AREVA巨額贊助。雖然首席射手米斯莫域，聯同加拉錫同真高拿離隊，不過「斯洛伐克」孖寶維迪同文度、希臘國腳查列斯迪斯卻全部留低，加上新買瑞士國腳基加斯，就連有得踢甲組比勒費爾德射手艾格拿，亦寧願降格落德乙加盟紐倫堡，就知「紅軍」今季野心有幾大。
1860要重振聲威
至於沉寂多時老牌球會1860慕尼黑，今季獲前國腳拿奧夫回歸，此子當年出道時被譽為德國新希望，可惜之後受傷患困擾發展平平，且看今季得到母會全力支持下，能否帶領1860重振聲威。
升班馬恩高斯達特近年以火箭速度由地方聯賽升上乙組，今季更大事擴軍，包括買入捷克長人中鋒盧雲歷，加上前拜仁球星芬克旗，話唔定會成為「翻版賀芬咸」，德乙殺出一條血路。