|
|
|
| ||
| 设为主页 收藏本站 |
| 首页资讯 | 比分大全 | 竞猜指数 | 足球资讯 | 篮球资讯 | 体育·综合 | 美女·休闲 | 广告联系 | |
紅魔難破“茅夫”
英超開鑼前第一項錦標社區盾今晚開戰，由上季足總盃得主樸茨茅夫挑戰聯賽冠軍曼聯，牌面上樸茨茅夫可能會比較輸蝕，但實際上曼聯今仗陣容不整，加上爭勝決心方面，樸茨茅夫應是較強一隊，所以絕對輸唔晒，何況初盤受讓半球 / 一球，不妨考慮下盤樸茨茅夫。
由於C朗養傷，朗尼有病，曼聯今晚只可派出一個小矮人迪維斯在前線搏殺，攻力自然大打折扣，其實曼聯冇咗C朗等於讓單“車”，更何況中場夏格維斯、卡域克與朴智星同樣因傷缺陣，而安達臣又要踢奧運，後補力不足下，紅魔威力只剩六成，上仗友賽悶和袓雲達斯係最佳例子，今仗面對緊迫踢法的樸茨茅夫，曼聯未必可以取得優勢，況且曼聯一向對於“盃仔”着緊程度一般。
雖然較早前兩隊友賽樸茨茅夫一比二落敗，但今仗性質唔同，“老樸”一班球員爭標決心大於一切，高佬哥洛治加盟，伙拍迪科爾可以增強前線攻擊力，三日前熱身賽大勝對手哈雲特四球試出不俗效果，而迪奧普、烏達卡、迪亞拉等都係硬橋硬馬實力派球員，而由蘇甘保所帶領防線亦有一定信心，只要今仗放盡去踢，與曼聯鬥攻鬥搶，必令曼聯陷於苦戰，預料九十分鐘內未必分出勝負。
推介：和波 1:1