|
|
|
| ||
| 设为主页 收藏本站 |
| 首页资讯 | 比分大全 | 竞猜指数 | 足球资讯 | 篮球资讯 | 体育·综合 | 美女·休闲 | 广告联系 | |
AC攻“城”不易
上季意甲“一事無成”的AC米蘭，今季重金招聘，分別收購天王級的朗拿甸奴及法米尼等份量級球星，誓要今季重振雄風，好可惜，季前多場熱身賽都令到AC迷大失所望，尤其是上仗慘吞車仔五蛋，真係聽者流淚，聞者心酸，但當大家睇番當時出場陣容又情有可原，殘陣出戰都唔怪得咁多，正如今晚出征曼城一樣，仍係天殘地缺，所以各位捧場客唔好期望太高，反而有主場之利的曼城可以博一博。
因為講攻力，曼城今仗比較完整，比安基、波真洛夫、馬華路禾尼及華素爾都可以隨時候命，雖然級數份量未去到星級，但始終有一定質素，加上英超球隊主場威力，今仗至少坐和望贏。 “細哨”與柏圖踢緊奧運，卡卡、保利亞奴、恩沙基都因傷未能隨隊出發，基拿甸奴已經離隊，前線攻力等於冇咗八成威力，至於防守，上仗失五球，反映出後防漏洞唔少，而且仍有尼斯達、卡拉迪斯及防守中場艾馬遜因傷缺陣，攻守同樣失去重心，施多夫、岩布仙尼、法華利及加度素等一班老將將繼續上陣搏殺。曼城一向打法講求速度、體力、埋身緊迫及攔截硬朗，對於志在練兵、操狀態的AC米蘭，當然唔會同你硬碰硬，唔通仲要班老人家搏埋條老命咩，何況目前傷兵滿營，所以曼城贏面較高。
推介：曼城 1:0