|
|
|
| ||
| 设为主页 收藏本站 |
| 首页资讯 | 比分大全 | 竞猜指数 | 足球资讯 | 篮球资讯 | 体育·综合 | 美女·休闲 | 广告联系 | |
玩幾日瑞典超，今日關爺轉移陣地，向巴甲進軍，其中高士路主場鬥國際體育會，主Ｗ非常穩陣。國體會本季聯賽九次作客，只係贏得一場，明顯不擅客場作戰，而佢去到高士路地頭更加被恰死，齋計聯賽近年去六次輸六次，加上高士路近期連贏三場狀態佳，今場可以再追。（周五早上７時30分開賽）
國體會本季表現反覆，主場並不突出，作客更經常任人魚肉，聯賽頭八場作客三和五負，係聯賽其中一隊客場最曳球隊。上場佢終於開齋，以二比一打敗富明尼斯，但後者目前僅排尾二，國體會贏波唔見得好叻。
睇番往績，高士路主場係國體會「墓地」，近六次聯賽對戰，高士路全勝，擺到明剋死國體會，今次高士路挾三連勝入九球勁勢，更有信心，可以再贏，1.9倍主Ｗ胃口。
費古倫斯上盤有計
另一場費古倫斯主場鬥保地花高，客軍近期戰績不俗，但細心留意多數勝仗係來自主場，整體作客成績只係一般，而費古倫斯主場出擊鬥保地花高非常有計，近五次對戰贏四次，呢次小讓平半有計。另一場彭美拉斯主場鬥維多利亞，彭美拉斯近九次主場贏八仗，擺到明係「主場龍」，維多利亞狀態飄忽，作客難有作為，一於吼主勝。