力奇:蘇斯克查告別戰曼聯炒格

既為練兵，又要為球會一代傳奇蘇斯克查告別賽搞得好好睇睇，今晚對愛斯賓奴熱身賽，曼聯當然係以不勝無歸為大前提。「紅魔鬼」今仗更會有主將雲達沙同里奧費迪南等復出，陣容完整，加上主場之利，1.85倍「讓球主勝」我信會開得出。（開賽時間：周六晚10:00）

愛斯賓奴做配角

超級後備殺手「蘇B」曼聯功績無數，今仗既然係佢告別賽，據聞仲會上陣踢番至少十五分鐘，一班隊友點會想佢衰收尾？事實上，曼聯班波狀態冒升得唔錯，季前熱身賽已經連贏三場，今仗返到主場仲有雲達沙同里奧費迪南復任正選，陣容強大兼無後顧之憂，贏兩球有幾難？
愛斯賓奴雖然話近兩場熱身賽都大勝，但對手最強都只係英冠史雲斯，班波根本未受考驗。就算主力達蒙度同迪拉彭拿都會陣中，但門將卡文尼早排受瘧疾影響，今仗睇怕都幾難上陣，加埋前場主力加西亞費南迪斯又受到轉會傳聞困擾，未必可以專心搏殺，今鋪去到奧脫福都係做大配角，等炒啦！